nasin pi nimi wan
nanpa nimi pi toki pona li lili tan 200. jan li wile toki e ijo sin la, ona li wile wan e nimi mute pi toki pona. tenpo mute la, ni li suli, li kama ike tawa sona. mi ken ala pali e nimi sin tawa toki pona, taso toki pona li ken pali e nimi wan.
nimi wan li nimi suli, sama nimi ni: jan Sonja, ma Antasika, ante mute.
mi toki pana e nasin ni: jan li pali e nimi wan, li toki e ni "nimi wan ni li seme", li kepeken nimi wan ni.
nasin ni li sama toki ni: "ijo Aton li lili mute mute, li pali e ma ale".
tawa pakala ala la, nasin ni li jo e lawa ni: ni "jan li kepeken nimi pi toki pona taso" li kama suli ike anu ike tawa sona la, jan li ken pali e nimi wan, tan ni taso. jan li kepeken nimi wan la, ona o toki e ni "nimi ni li seme".
jan ante li ken pilin e ni "nasin ni li pakala e lawa lili pi toki pona". taso mi pilin e ni "pona lon pi toki pona li lili ala, li toki e suli kepeken toki lili". kin la, mi pakala ala e lawa toki pi toki pona.