sitelen suli pi ken jan
lipu ni li toki ante tawa sitelen "La Déclaration des droits de l'Homme et du citoyen 1789" tawa toki pona.
jan lawa mute pi ma Kanse, li pali e kulupu ma, li pilin e ni "ike tawa ken jan li tan taso pi ike kulupu". tawa ni "jan en lawa li sona e ken jan suli" la, ona mute li toki pana e ken jan sewi lon sitelen suli ni, tawa jan ale, tawa pona kulupu.
sitelen wan
jan li lon, li sama, li ken pali e ale. ante kulupu li ken lon tan wile kulupu taso.
sitelen tu
kulupu lawa ale li lon tan ken jan. ken ni li ni: jan li ken pali e ale, li ken jo e mani, li ken lon pona awen, li ken utala tawa lawa ike.
sitelen tu wan
kulupu pi jan ma taso li lawa e wawa lawa. kulupu li pana ala la, jan li jo ala e wawa lawa, li ken ala kepeken wawa ni.
sitelen tu tu
jan li ken pali e ale, taso li ken ala ike e jan ante. ken jan li jo e pini tan pona pi jan ale. sitelen lawa taso li ken lawa e pini ni.
sitelen luka
sitelen lawa li ken pini e pakala tawa kulupu taso. sitelen lawa li awen la, jan li ken. sitelen lawa li toki wile ala e ijo la, jan li wile ala pali e ijo ni.
sitelen luka wan
sitelen lawa li lon tan wile kulupu. jan ale li ken pana e wawa tawa pali pi sitelen lawa. jan ale li sama tawa sitelen lawa.
sitelen luka tu
sitelen lawa li lawa ala la, jan li ken ala apeja. jan li apeja e jan ante tan sitelen lawa ala la, jan ni li apeja. jan apeja tan sitelen lawa li ken ala utala e lawa.
sitelen luka tu wan
sitelen apeja li sitelen lawa li sitelen e pali apeja. sitelen apeja li lon lon tenpo kama pi pali apeja la, pali ni li apeja ala. sitelen apeja li lon lon tenpo pini pi pali apeja la, pali ni li apeja.
sitelen luka tu tu
lawa tan sitelen lawa li lawa ala e ni "jan ni li apeja lon" la, jan ni li apeja ala, lawa en jan ante li ken ala pakala e jan ni.
sitelen luka luka
toki jan li pakala ala e kulupu e sitelen lawa la, jan li ken toki e ale.
sitelen luka luka wan
toki sona en toki pilin li suli mute tawa ken jan. jan ale li ken toki li ken sitelen li ken pana e pilin tawa jan ante. taso jan li ken ala kepeken e ken ni tan pakala. sitelen lawa li lawa e ni "seme li pakala".
sitelen luka luka tu
awen pi ken jan li wile e wawa kulupu. wawa kulupu ni li lon tan pona pi jan ale.
sitelen luka luka tu wan
jan li wile pana e mani tawa lawa ma tan awen pi wawa kulupu. lawa li lawa e nanpa mani wile tan nanpa mani jan.
sitelen luka luka tu tu
jan ale li ken sona e ni "mani pana tawa kulupu li wile ala wile", li ken awen anu awen ala pana e mani, li ken sona e kepeken mani, li ken lawa e kepeken mani.
sitelen luka luka luka
kulupu li ken toki alasa e ni "jan lawa li pali pona ala pona" tawa jan lawa.
sitelen luka luka luka wan
kulupu li awen ala e ken jan, li kipisi pona ala e wawa lawa la, ona li ken ala pali e sitelen lawa mama, li kama ike.
sitelen luka luka luka tu
mani jan li suli. lawa li ken ala lanpa e mani jan. taso lawa li ken jo e mani jan tan kulupu, kepeken nasin pona taso.